瑜伽人注意：顛覆你嘅頭倒立知識！
已更新：2022年12月30日
好多練習瑜伽嘅人，包括瑜伽老師甚至教teacher training嘅老師都認為頭倒立(sirsasana)會增加血液供應去腦部，導致更多養分供應畀腦細胞，滋潤腦部，從而對腦部有益。但，呢個concept係錯誤嘅。
早至1976年已經有研究瑜伽嘅科學家指出，呢個concept違反咗腦部血液供應自我調節機制(cerebral blood flow autoregulation)，即使轉換姿勢，腦部仍然維持一樣嘅血液灌注(blood perfusion)去維持一樣嘅髗內壓(intracranial pressure)。
2019年一份研究證明，做頭倒立時供應腦部嘅血液更少(同普遍瑜伽concept相反)，離開式子後會回升返去進入式子前嘅水平。如果做頭倒立時供應腦部嘅血液增加，反映腦部血液供應自我調節機制失靈，呢啲人嘅眼內壓(intraocular pressure)會增加同埋有頭脹感覺，係做頭倒立嘅禁忌。
瑜伽為Holistic Health Method五大支柱(飲食、運動、睡眠、瑜伽、靜修)之一，着重瑜伽治療性，透過科學化知識、正確身體排序、動力鏈同生物力學，體現瑜伽治療性，平衡身心，提高生活質素。